Fjórir í Liði ársins!

Fjórir leikmenn Liverpool voru valdir í Lið ársins í Úrvalsdeildinni fyrir keppnistímabilið 2024/25. Tilkynnt var um liðið í gærkvöldi um leið og Leikmaður ársins var krýndur. Mohamed Salah var, eins og fram kom á Liverpool.is í gærkvöldi, kjörinn Leikmaður ársins. Leikmenn í deildinni völdu liðið.

Hér að neðan er Lið ársins. Virgil van Dijk, Alexis Mac Allister, Ryan Gravenberch og Mohamed Salah eru fulltrúar Liverpool í liðinu. Milos Kerkez sem lék með Bournemouth á liðinni leiktíð er í liðinu en nú er hann leikmaður Liverpool. Virgil er valinn í liðið í fimmta sinn og Mohamed hefur nú fjórum sinnum orðið fyrir valinu.

Markmaður:

Matz Sels - Nottingham Forest. 

Varnarmenn:

William Saliba - Arsenal.

Gabriel - Arsenal.

Virgil van Dijk - Liverpool.

  Milos Kerkez - Bournemouth, nú leikmaður Liverpool.

Miðjumenn:

 Alexis Mac Allister - Liverpool.  

Ryan Gravenberch  - Liverpool.  

Declan Rice - Arsenal.

Framherjar:

Mohamed Salah - Liverpool.

Alexander Isak - Newcastle United.  

Chris Wood - Nottingham Forest.

Virgil van Dijk var í liðinu fyrir leiktíðina 2023/24.