Vonlaust mál!

Liverpool féll út úr FA bikarnum í gær 9. febrúar eftir óvænt 1:0 tap fyrir Plymouth. Kannski var útséð um að Liverpool kæmist lengra áfram í keppninni þegar leikdagurinn var valinn!

Svo merkilegt sem það er nú þá hafði Liverpool þrívegis áður leikið í FA bikarnum 9. febrúar. Í öll skiptin hafði Liverpool tapað og fallið úr leik. Eins fór í Plymouth í gær 9. febrúar 2025.

Áður hafði Liverpool tapað 9. febrúar 2:0 fyrir Notts County 1901 og með sömu markatölu fyrir Leeds United árið 1972. Árið 2016 laut Liverpool svo 2:1 í gras fyrir West Ham United. Í gær bættist við tap í Plymouth. Stórmerkilegt að fjögur töp í þessari sömu keppni á sama degi hafi átt sér stað!