Darwin í banni

Liverpool á stórleik fyrir höndum í Nottingham á morgun. Darwin Núnez missir af leiknum við Nottingham Forest vegna leikbanns. Hann var bókaður á móti Manchester United í síðasta deildarleik og hafði þar með fengið fimm gul spjöld í deildinni. Þar með var Úrúgvæinn kominn í eins leiks bann. 

Darwin hefur reyndar ekki gengið vel á leiktíðinni. Hingað til er hann bara búinn að skora fjögur mörk í 26 leikjum. Hann er búinn að leggja upp fjögur mörk. 

Leikur Liverpool við Nottingham Forest er gríðarlega mikilvægur. Liverpool leiðir deildina með 46 stig. Forest og Arsenal eru sex stigum á eftir. Forest myndi sannarlega setja aukna pressu á Liverpool með sigri. Á móti kemur að ef Liverpool næði sigri yrði staða liðsins á toppnum sterkari eftir sigur á öðru liðinu sem næst kemur. 

Á síðasta keppnistímabili vann Liverpool 0:1 sigur á City Ground með marki Darwin Núnez. Hann skorar því miður ekki annað kvöld.