Jafnt í fyrsta leik ársins

Það var jafntefli í fyrsta leik ársins þegar Manchester United kom í heimsókn á Anfield Road. Leikurinn var leikinn við mjög erfiðar aðstæður. Slyddurigning var og völlurinn rennandi blautur. Liðin skildu jöfn 2:2.

Eins og áður segir voru aðstæður erfiðar. Fyrr um daginn hafði snjóað talsvert og það þurfti að hreina bleytusnjó af vellinum. Snjór sem mokaður var af vellinum var í hrúgum við hliðarlínurnar og eins við endalínur. 

Liverpool var sterkara liðið á upphafskafla leiksins. Á 14. mínútu fékk Cody Gakpo sendingu frá landa sínum Ryan Gravenberch. Cody náði skoti ef hitti ekki markið. Um tveimur mínútum seinna gaf Mahamed Salah inn í vítateiginn á Alexis Mac Allister. Hann tók viðstöðulausu skot við markteiginn hægra megin en Andre Onana varði vel. Liverpool hélt áfram að sækja en á 42. mínútu ógnaði United í fyrsta sinn að heitið gat. Rasmus Höjlund komst inn í vítateiginn vinstra megin. Alisson Becker kom vel út á móti og varði með úthlaupi. Jafnt í hálfleik.

Manchester United náði forystu á 52. mínútu þegar Lisandro Martinez fékk sendingu frá Bruno Fernandes vinstra megin í vítateignum. Hann skoraði með skoti í slá og inn yfir Alisson úr frekar þröngu færi. Liverpool svaraði sjö mínútum seinna. Liverpool sneri vörn í sókn. Alexis sendi fram vinstra megin á Cody sem lék léttilega á varnarmann United í vítateignum áður en hann þrumaði boltanum upp undir þaknetið í hornið fjær. Stórgóð afgreiðsla hjá Hollendingnum sem var í frekar þröngu færi í markteignum. 

Á 67. mínútu vildu leikmenn Liverpool fá víti eftir að Alexis átti skalla sem fór auljóslega í hendi varnarmanns. Eftir sjónvarpsskoðun var víti dæmt. Mohamed tók vítið og skoraði með þrumuskoti neðst í hægra hornið fyrir framan Kop stúkuna. Núna voru 20 mínútur eftir. 

Liverpool virtist hafa leikinn í höndum sér en vörnin var óörugg á köflum og Trent Alexander-Arnolda var sérstaklega utan við sig allan leikinn. Þegar tíu mínútur voru eftir var aftur orðið jafnt. Alejandro Garnacho komst fram vinstra megin og gaf fyrir á Amad Diallo sem skoraði rétt utan við markteiginn. 

Á lokamínútunni náði Liverpool hraðri sókn. Mohamed lagði upp færi fyrir Diogo Jota en skot hans fór beint á Andre í markinu. Hann hélt ekki skotinu og Conor Bradley náði boltanum. Hann lék á mann sem var til varnar hægra meign og náði föstu skoti en Andre varði í horn við nærstöngina. Andrew Robertson tók hornið. Virgil náði skalla eftir að Alexis skallaði til hans en boltinn fór beint til Andre. Virgil hefði átt að geta náð betri skalla. Liðin spiluðu af fullum krafti til leiksloka en lokatölur urðu 2:2.

Liverpool spilaði stórvel á köflum og hefði átt að vinna. En gestirnir gáfust ekki upp eins og þeir hafa stundum gert við mótlæti á síðustu vikum.  

Mörk Liverpool: Cody Gakpo (59. mín.) og Mohamed Salah, víti, (70. mín.).

Mörk Manchester United: Lisandro Martínez (52. mín.) og Amad Diallo (80. mín.)

Áhorfendur á Anfield Road: 60.275. 

Maður leiksins: Alexsis Mac Allister. Argentínumaðurinn var mjög sterkur á miðjunni. Hann var mjög sókndjarfur lagði upp mark og vann vítaspyrnu. 

Fróðleikur

- Þetta var 216. leikur liðanna. Liðin hafa skorað 291 mark hvort í þessum leikjum.

- Cody Gakpo skoraði fyrsta mark Liverpool á því Herrans ári 2025.

- Cody skoraði 12. mark sitt á leiktíðinni. 

- Mohamed Salah skoraði í 21. sinn á sparktíðinni.