Leikjatilfærslur

Búið er að tímasetja leiki Liverpool út árið sem er að líða. Það er gott að vita af breyttum tímum ef fólk hyggur á ferðalög til Englands.

Næsti leikur Liverpool fer fram laugardaginn kemur 7. desember. Liverpool liðin mætast þá í síðasta sinn á Goodison Park. Í það minnsta í deildinni því liðin gætu jú leitt saman hesta sína í FA bikarnum. Leikurinn hefst klukkan hálf eitt.

Liverpool mætir Southampton á útivelli í átta liða úrslitum Deildarbikarsins miðvikudaginn 18. desember. Leikurinn byrjar klukkan átta. 

Sunnudaginn 22. desember leikur Liverpool aftur á útivelli og nú gegn Tottenham Hotspur. Flautað verður til leiks klukkan hálf fimm.  

Fyrsti jólaleikur Liverpool fer fram á Anfield Road að kvöldi annars dags jóla. Mótherjinn er Leicester City. Leikar hefjast klukkan átta.

Annar jólaleikurinn verður seinni partinn sunnudaginn 29. desember. Liverpool leikur þá við West Ham United í London. Leikurinn byrjar stundarfjórðung yfir fimm. 

Þriðji og síðasti jólaleikurinn verður við Manchester United á Anfield sunnudaginn 5. janúar. Flautað verður til leiks klukkan hálf fimm. 

Aðrir leikir á þessu tiltekna tímabili verða á áður auglýstum tímum. Tekið skal fram að allir leiktímar eru að íslenskum tíma.