Ungliðar lánaðir

Liverpool hefur lánað tvo unga leikmenn. Annar heldur á fornar slóðir og spilar með félaga sínum úr unglingaliði Liverpool. Báðir spiluðu núna um helgina. 


Lewis Koumas er kominn í lán til Stoke City. Hann skoraði í sínum fyrsta leik með aðalliði Liverpool á síðasta keppnistímabili þegar Liverpool vann Southampton 3:0 í FA bikarnum. Hann lék í fyrsta sinn fyrir aðallandslið Wales fyrr í sumar. 


Luke Chambers var lánaður til Wigan Athletic. Hann þekkir vel til þar því hann var í láni hjá félaginu á síðustu leiktíð. Leiktíðina á unda var Luke lánsmaður hjá skoska liðinu Kilmarnock.  Hann er búinn að spila fjóra leiki með aðalliði Liverpool. 

Calvin Ramsay var áður kominn til Wigan. Báðir spiluðu með Wigan um helgina þegar liðið tapaði 0:1 fyrir Charlton Athletic. Svo vildi til að Lloyd Jones, sem var alinn upp hjá Liverpool, skoraði markið. Hann komst einu sinni á varamannabekkinn hjá Liverpool.