Það fjölgar í hópnum

Enn fjölgar í leikmannahópi Liverpool. Þrír leikmenn eru komnir til Bandaríkjanna eftir frí í kjölfar Evrópukeppni landsliða. Um er að ræða þá Diogo Jota, Ibrahima Konate og Ryan Gravenberch. 

Diogo kom ekki ýkja mikið við sögu í leikjum Portúgals í Þýskalandi. Hann var aldrei í byrjunarliðinu en tók þátt í þremur leikjum. Þeir Ibrahima og Ryan spiluðu ekkert með Frakklandi og Hollandi á EM. Þeir þrír ættu því ekki að vera mjög lúnir eftir Evrópumótið.

Nú eru bara þeir leikmenn ókomnir sem spiluðu lengst í Evrópukeppni landsliða og Suður Ameríkukeppninni. Þeir fengu skiljanlega lengra frí en aðrir.