Ekkert heppnismark!

Markið sem Alexis Mac Allister skoraði á móti Sheffield United í gærkvöldi var með þeim glæsilegri. Þrumuskot hans við vítateiginn hafnaði uppi í bláhorninu.


Hemsmeistarinn sagðist hafa þurft að skora svona fallegt mark til að afsanna kenningu félaga sinna um að annað glæsimark hans fyrr á keppnistímabilinu hefði verið heppnismark. Hann vísaði þar til marksins sem  hann skoraði á móti Fulham með þrumuskoti vel fyrir utan vítateig.

Argentínumaðurinn var spurður um þessi fallegu mörk í viðtali eftir leikinn. Hann hafði meðal annars þetta að segja.

,,Ég veit það ekki alveg. Við vorum einmitt að ræða um það! Bæði mörkin voru mjög falleg. En aðalatriðið var að markið hjálpaði okkur að vinna leikinn. Strákarnir sögðu mér að markið á móti Fulham hefði verið heppnismark. Ég varð að sýna þeim að það var alls ekki neitt heppnismark!"

Félagar Alexis geta hér með hætt að tala um að markið hans á móti Fulham hafi verið einhver heppni! Svo er spurning hvort markið var fallegra.