Jayden Danns fjarri góðu gamni

Jayden Danns var ekki í föruneyti Liverpool sem spilaði í Prag í gærkvöldi. Hann var ekki meiddur en gat samt ekki leikið. Ungliðinn kom inn á sem varamaður á móti Nottingham Forest um síðustu helgi og spilaði síðustu mínútur leiksins. Á þeim mínútum lét hann vel að sér kveða og sótti einu sinni harkalega að markmanni Forest. Jayden fékk gula spjaldið fyrir vikið.

Eftir leikinn kom í ljós að hann hafði fengið heilahristing. Hann fékk því ekki fararleyfi til Tékklands. Nú er að sjá hvort hann verður orðinn góður fyrir leikinn við Manchester City um helgina.