Landsleikjafréttir

Það er allt á fullu núna í landsleikjum um víða veröld. Leikmenn Liverpool hafa látið verulega að sér kveða. Einn skoraði fjögur mörk!


Mohamed Salah skoraði fernu á fimmtudaginn þegar Egyptaland burstaði Djibútí 6:0. Eitt markið var úr víti en mörkin komu öll í röð. Það er sannarlega ekki á hverjum degi sem leikmaður skorar fernu í landsleik. Þessi leikur var í forkeppni HM. 

Búlgaría og Ungverjaland skildu jöfn 2:2 í forkeppni EM. Dominik Szoboszlai lagði upp fyrra mark Ungverja. 

Diogo Jota lagði líka upp mark þegar Portúgal vann Liechtenstein 0:2.


Luis Díaz lét hressilega að sér kveða á föstudaginn. Hann skoraði tvö mörk á lokakaflanum og tryggði Kólumbíu frækilegan 2:1 sigur á Brasilíu. Luis skoraði mörkin framhjá vinir sínum Alisson Becker!

Darwin Núnez var líka á skotskónum þegar Úrúgvæ vann heimsmeistara Argentínu 0:2 á útivelli. Hann skoraði seinna markið. Alexis Mac Allister var í liði Argentínu. Þessir tveir leikir voru í forkeppni HM í Suður Ameríku.

England vann Möltu 2:0 á Wembley. Trent Alexander-Arnold spilaði allan leikinn. Jordan Henderson var í byrjunarliðinu. 

Kostaas Tsimikas lék með Grikkjum þegar þeir unnu Nýja Sjáland í vináttuleik. 

Í dag vann Holland 1:0 sigur á Írlandi. Virgil van Dijk og Cody Gakpo voru í liði Hollands. Caoimhin Kelleher var á bekknum hjá Írum. 

Þrír fyrrum leikmenn Liverpool, Danny Ward, Nico Williams og Harry Wilson, spiluðu með Wales í Armeníu. Leiknum lauk 1:1. 

Harvey Elliott skoraði þegar enska undir 21. árs liðið vann Serbíu 0:3 á útivelli. Tyler Morton og Jarell Quansah komu inn sem varamenn. 

Sadio Mané, fyrrum leikmaður Liverpool, heldur áfram að skora fyrir Senegal. Hann skoraði tvö mörk, annað úr víti, í 4:0 sigri á Suður-Súdan.