Conor Bradley meiddur

Conor Bradley hefur ekkert spilað það sem af er leiktíðar. Hann spilaði fyrstu leikina á undirbúningstímabilinu en svo varð hann að draga sig í hlé. Ástæðan er sú að hann er meiddur í baki. Þessi meiðsli koma gjarnan fram hjá yngri leikmönnum og tengjast álagi sem kemur fram bakeymslum. 

Ekki er ljóst hvenær Bradley verður leikfær á nýjan leik. Líklegt er talið að komið verði undir lok ársins þegar hann getur farið að spila aftur. 

Líklegt er að Conor væri búinn að spila eitthvað með aðalliði Liverpool á leiktíðinni. Hann er hægri bakvörður og er mjög efnilegur í þeirri stöðu. Reiknað var með að hann myndi leysa Trent Alexander-Arnold af. 

Conor er búinn að spila fimm leiki með aðalliði Liverpool. Á síðustu leiktíð var hann í láni hjá Bolton og stóð sig mjög vel. Meiðslin gera það líka að verkum að Conor missir af landsleikjum Norður Íra. Hann er búinn að spila 13 landsleiki.