Hvað gerist? - Uppfært í dag og fram á kvöld!

Í kvöld verður lokað fyrir félagskipti knattspyrnumanna. Eins og vant er verður fylgst með gangi mála hér á Liverpool.is.

23:30. Búið er að loka fyrir félagaskipti. Ryan Gravenberch bættist í liðshópinn í dag. Liverpool hefur þar með keypt fjóra miðjumenn í sumar. Miðjan hjá Liverpool hefur þar með verið endurnýjuð. Ekkert varð af miðvarðarkaupum. Það var reyndar verra.  


22:00. Miðjumaðurinn ungi Tyler Morton var í kvöld lánaður til Hull City. Hann var í láni hjá Blackburn Rovers á síðustu leiktíð og vegnaði honum mjög vel þar.

21:00. Ryan Gravenberch er orðinn leikmaður Liverpool. Hollenski miðjumaðurinn var keyptur frá Bayern Munchen fyrir 34 milljónir sterlingspunda. 

19:00. Ekkert fréttist af kaupum á miðverði. Flestir stuðningsmenn Liverpool telja að miðvörð vanti í liðshópinn. Ofan á allt var  Natahniel Phillips svo lánaður.  

18:00. Tilkynnt var um lán á tveimur ungliðum fyrr í  dag. Luca Stephenson var lánaður til Barrow og James Norris fór í lán til Tranmere Rovers. Fyrr í mánuðinum var Max Woltman lánaður til Oxford United.

17:00. Liverpool hefur hafnað risatilboði frá Al-Ittihad í Sádi Arabíu. Samkvæmt frétt Liverpool Echo var tilboðið upp á 150 milljónir sterlingspunda!  


15:00. Það er alltaf gaman að sjá um vistaskipti fyrrum leikmanna Liverpool. Andy Carroll er kominn til Frakklands og leikur með Amiens það sem eftir er leiktíðar. Liðið er í næst efstu deild. Hann var síðast hjá Reading. 


11:00. Jürgen Klopp sagði á blaðamannafundi í morgun að Mohamed Salah væri ekki til sölu. Hann sagði ekkert tilboð hafa borist í hann. Samkvæmt sumum fjölmiðlum á að vera mikill áhugi fyrir Mohamed í Sádi Arabíu. 


9:00. Miðvörðurinn Natahniel Phillips hefur verið lánaður til Celtic. Lánssamningurinn gildir til áramóta. 


6:00. Liverpool hefur keypt Alexis Mac Allister, Dominik Szoboszlai og Wataru Endo í sumar. Reiknað er með að Ryan Gravenberch bætist í þann hóp áður en þessi dagur líður. 


Jordan Henderson,  James Milner, Roberto Firmino, Fabinho Tavarez,, Naby Keita og Alex Oxlade-Chamberlain yfirgáfu Liverpool núna í sumar. Að auki héldu nokkrir ungliðar á braut.    

Hér að ofan er farið yfir stöðuna hvað kaup og sölur varðar eins og hún er núna. Liverpool hefur keypt þrjá miðjumenn það sem af er sumri. Útlit er á einum í viðbót í dag.