Thiago úr leik

Thiago Alcantara er kominn í sumarfrí. Það er svo sem ekkert nýtt að hann sé frá vegna meiðsla og svo er nú. Thiago var búinn að vera slæmur í mjöðm og ákveðið var að láta hann fara í aðgerð til að fá bót meina sinna. Hann er búinn að fara í aðgerðina ef rétt er vitað.


Thiago Alcantara var búinn að spila 28 leiki á leiktíðinni. Segja má að hann hafi borið miðjuspil Liverpool uppi þegar flestir miðjumennirnir voru frá. Hann datt út vegna meiðsla í byrjun febrúar og kom ekki aftur til leiks fyrr en tveimur mánuðum seinna. Hann kom svo inn á sem varamaður í fjórum leikjum í apríl áður en fór í aðgerðina. Hann verður vonandi kominn í gott stand í sumar þegar æfingar fyrir nýja leiktíð hefjast.