Úr leik!

Unglingalið Liverpool er úr leik í Evrópudeild yngri liða. Liðið mætti Sporting Lissabon í dag í átta liða úrslitum keppninnar. Sporting vann 1:0 en leikið var í Portúgal.  

Liverpool varð fyrir áfalli snemma leiks en þá varð Skotinn efnilegi Ben Doak að fara af leikvelli. Hann lenti í árekstri við leikmann Sporting og fékk þungt höfuðhögg. Ben varð að fara af velli til öryggis eins og verklagsreglur kveða á um ef leikmenn fá höfuðhögg.

Ben nær sér vonandi fljótt og vel. Hann  var á dögunum valinn í undir 21. árs landslið Skotlands.