| Sf. Gutt

Calvin kominn í sumarfrí


Calvin Ramsay er líklega kominn í sumarfrí. Hann fór í aðgerð og verður frá næstu mánuði. Óheppnin hefur elt Skotann frá því hann kom til Liverpool frá Aberdeen síðasta sumar. Við komuna til Liverpool leiddi læknisskoðun í ljós að  hann var meiddur í baki. Hann var lengi að ná sér af þeim meiðslum. 

Calvin lék aðeins tvo leiki með Liverpool áður en hann meiddist aftur. Aðgerðin núna á að laga þau meiðsli. Á Instagram síðu sinni skrifaði Skotinn. ,,Aðgerðin gekk vel. Næst á dagskrá er að hvíla sig, ná sér og koma sterkari til leiks að nýju."


Á síðasta keppnistímabili var Calvin Ramsay kosinn Ungi leikmaður ársins af íþróttafréttamönnum í Skotlandi. Á tveimur síðustu keppnistímabilum lék hann 39 leiki fyrir Aberdeen og skoraði eitt mark. Hann spilaði sinn fyrsta landsleik í nóvember í fyrra og þykir einn efnilegasti leikmaður Skota. Sem fyrr segir er Calvin búinn að spila tvo leiki með Liverpool. Framganga hans í þeim lofaði góðu. 

TIL BAKA
Nýlegar fréttir
Fleiri fréttir
Fréttageymslan