Arthur Melo úr leik

Á dögunum spurðist út að lánsmaðurinn Arthur Melo hefði meiðst og verði úr leik næstu mánuðina. Hermt er að hann verði frá leik og keppni næstu þrjá til fjóra mánuði. Ef rétt er skilið er um einhverskonar vöðvameiðsli að ræða og eins og gefur að skilja eru þau alvarleg.  

Arthur kom að láni frá Juventus rétt áður en lokað var fyrir félagaskipti. Hann var búinn að taka þátt í einum leik með aðalliði Liverpool þegar kom að landsleikjahléi. Í hléinu æfði hann á fullu til að koma sér í betra stand en hann hafði verið í þegar hann kom til Liverpool. Það var því mjög dapurlegt að svona skyldi fara því hann var búinn að leggja mjög hart að sér. 

Nú er að sjá hvernig Brasilíumanninum gengur að ná sér. Ljóst er að komið verður fram á nýtt ár þegar hann verður orðinn góður af meiðslum sínum.