Sepp illa meiddur

Það er ekki nóg með að of margir leikmenn Liverpool hafi meiðst á leiktíðinni. Leikmenn í láni hafa líka meiðst. Sepp van den Berg meiddist illa á ökkla í haust og er nú fyrst að ná sér. 


Hollendingurinn kom til Liverpool frá Zwolle 2019. Hann var í láni hjá Preston North End síðustu tvö keppnistímabil og stóð sig mjög vel. Sepp var lánaður til Schalke 04 í þýsku deildinni á síðasta sumri. Hann var bara búinn að spila fjóra leiki þegar hann meiddist. Sepp, sem er miðvörður, hefur hingað til leikið fjóra leiki með aðalliði Liverpool.