Fjölskylduhátíð Liverpoolklúbbsins

Á morgun, fimmtudaginn 9. júní efnum við til fjölskylduhátíðar Liverpoolklúbbsins á Íslandi.

Það er mikið gleðiefni að geta loksins efnt til þessarar hátíðar en undanfarin tvö ár hefur það auðvitað ekki verið hægt. Hátíðin verður haldin í Guðmundarlundi í Kópavogi (smellið á nafnið til að skoða á korti) og hefst klukkan 17:30.

Pylsur/pulsur verða á grillinu og skemmtun fyrir alla fjölskylduna að sjálfsögðu í boði. Lalli töframaður mætir með skemmtilegt atriði og farið verður í fjöruga leiki sem henta öllum aldurshópum. Það er svo ágætt að minnast á það að hægt er að skella sér í frisbígolf á svæðinu einnig.

Nú er kjörið tækifæri til að fagna góðu tímabili með Liverpool fjölskyldunni og hvetjum við alla til þess að mæta og skemmta sér saman.

Hér má sjá viðburðinn á Facebook síðu klúbbsins.