Við vorum stórkostlegir!

Jürgen Klopp sagði að Liverpool hefði spilað stórkostlega í fyrri hálfleik á móti Manchester City í undanúrslitum FA bikarsins á laugardaginn. Hann sagði fyrri hálfleikinn einn þann besta á valdatíð sinni hjá Liverpool og þá er mikið sagt!

,,Þetta var ein­n besti fyrri hálfleik­ur sem við höf­um spilað. Við gerðum allt rétt í fyrri hálfleik og tók­um alltaf réttar ákvarðanir með og án bolt­ans. Við vor­um stór­kost­leg­ir en eft­ir að City minnkaði mun­inn í upp­hafi síðari hálfleiks opnaðist leik­ur­inn umtals­vert. Lið þeirra er ótrúlega gott og það kom í ljós í síðari hálfleiknum. Ég er ótrú­lega stolt­ur af liðinu mínu og frammistöðunni því það er ekki sjálf­gefið að leggja Manchester City að velli. Við unnum sanngjarnan sigur 3:2. Það dugði okkur til að komast í úrslitaleikinn."

Liverpool lék sannarlega frábærlega í fyrri hálfleik á Wembley og leiddi 3:0. Manchester City náði að svara með tveimur mörkum en komust ekki lengra. Liverpool komst þar með í úrslitaleikinn um FA bikarinn í fyrsta skipti í tíu ár. Líkt og fyrir tíu árum mætir Liverpool Chelsea. Liverpool nær vonandi að bæta fyrir tapið þá í vor!