Kvennaliðið á toppinn!

Kvennaliði Liverpool hefur gengið vel það sem af er leiktíðar. Liðið er nú í efsta sæti næst efstu deildar. Ef vel gengur áfram á liðið góða möguleika á að komast upp í efstu deild á nýjan leik. 

Í gær vann Liverpool 0:2 sigur á Durham í toppbaráttunni og komst með sigrinum á toppinn. Liverpool er með 20 stig eftir níu leiki. London City er með 19 stig og Durham hefur 18. Í leikjunum níu hefur Liverpool aðeins tapað einum leik, gert tvö jafntefli og unnið sex leiki. Í deildinni eru 12 lið. 

Matt Beard tók við liðinu fyrir leiktíðina og hefur gert mjög góða hluti. Hann stýrði Liverpool þegar liðið varð Englandsmeistari 2013 og 2014.

Liverpool er á annarri leiktíð í næst efstu deild. Vonandi kemst liðið upp í vor!