Mohamed tilnefndur til Gullboltans

Mohamed Salah hefur verið tilnefndur til Gullboltans. Mohamed er búinn að vera frábær á árinu og bætti rösklega á marka- og metalista sinn. Hingað til á leiktíðinni er hann búinn að skora níu mörk í níu leikjum. Mohamed er tilnefndur til Gullboltans í þriðja sinn. 


Einn fyrrum leikmaður Liverpool er á lista þeirra sem voru tilnefndir. Þetta er Luis Suárez framherji Atletico Madrid. Luis varð spænskur meistari með Atletico á síðasta keppnistímabili. Þetta er í sjöunda sinn sem Luis er tilnefndur til Gullboltans.