Fyrstur markmanna Liverpool til að skora!

Liverpool Football Club var stofnað árið 1892. Fjöldi markmanna sem hafa staðið í marki Liverpool er mikill en þar til í dag hafði enginn þeirra skorað mark í opinberum leik. Alisson Becker varð í dag fyrsti markmaðurinn í gervallri sögu Liverpool til að skora mark. Magnað!


Skalli Alisson Becker eftir hornspyrnu Trent Alexander-Arnold á The Hawthorns tryggði Liverpool 1:2 sigur á WBA á allra síðustu stundu en það var komið fram í viðbótartíma þegar Brasilíumaðurinn skoraði. Söguleg stund í merkri sögu Liverpool Football Club!