Faðir Alisson Becker látinn

Þær sorglegu fréttir bárust á fimmtudaginn að faðir Alisson Becker hefði látist daginn áður. Hann dukknaði eftir að hafa farið að synda í stöðuvatni. Alisson hefur sent frá sér tilkynningu þar sem hann þakkar stuðningsmönnum Liverpool og öðrum auðsýnda samúð.

Alisson leikur ekki á móti Sheffield United. Skiljanlega verður hann að fá þann tíma sem hann þarf með fjölskyldu sinni í kjölfarið á svona áfalli. Sökum takmarkanna á ferðalögum getur Alisson ekki farið til Brasilíu. Þeir feðgar voru mjög nánir. Alisson á bróður sem heitir Muriel Gustavo Becker og er hann markmaður hjá Fluminense í Brasilíu.  

Liverpool klúbburinn á Íslandi sendir Alisson Becker og fjölskyldu samúðarkveðjur. 

YNWA!