Mikið afrek hjá Virgil van Dijk

Mikilvægi Virgil van Dijk er mikið. Hann varð fimmti útileikmaðurinn í meistaraliði, eftir að Úrvalsdeildin var stofnuð, til að spila alla leiki frá upphafi til enda. Virgil lék alla 38 leikina í deildinni og skoraði fimm mörk. 


Sem fyrr segir er Virgil fimmti útileikmaðurinn í meistaraliði frá leiktíðinni 1992/93 til ná því afreki að spila allar mínútur í deildarleikjum á einni leiktíð. Hér að neðan er listi yfir þá sem hafa afrekað þetta. 


Áréttað skal að hér er bara um útileikmenn að ræða. Ef rétt er vitað hafa nokkrir markmenn náð þessu afreki. Eins er fjöldi leikmanna sem hefur gert þetta í gegnum söguna áður en Úrvalsdeildin var stofnuð. Þar með er fjöldi leikmanna Liverpool. Til dæmis léku bæði Bruce Grobbelaar og Steve McMahon alla 38 leiki Liverpool þegar síðasti Englandsmeistaratitill vannst 1989/90. Knattspyrnusagan hófst nefnilega ekki 1992! En afrek Virgil er í það minnsta fágætt á seinni tímum.