Er Georginio Wijnaldum á förum?

Er Georginio Wijnaldum á förum? Hollendingurinn hefur ekki gert við nýjan samning við Liverpool og talið er að ekki standi til að bjóða honum nýjan samning. Í það minnsta greina ýmsir fjölmiðlar frá því að sú sé raunin.


Mörgum þykir það undarlegt ef það sé rétt að ekki eigi að bjóða Georginio nýjan samning því Hollendingurinn hefur verið lykilmaður á miðjunni. Á hinn bóginn má vera að hann vilji sjálfur fara frá Liverpool. Sú kenning styrktist eftir að Ronald Koeman, sem hefur þjálfað Georginio hjá hollenska landsliðinu, tók við sem framkvæmdastjóri Barcelona. Talið er að Ronald vilji fá Georginio á miðjuna.  


Georginio Wijnaldum kom til Liverpool frá Newcastle United sumarið 2016 og kostaði 25 milljónir sterlingspunda sem er svo sem ekki há upphæð nú til dags. Hann er búinn að spila 186 leiki með Liverpool og skora 15 mörk.

Það væri vont að missa Hollendinginn. En ef hann vill fara verður svo að vera!