Kóngurinn gekk á völlinn

Nú fór í verra því mikil umferð var að leikvanginum og það var farið að styttast í að leikurinn myndi fara að hefjast. Bílar komust ekkert áleiðis og svo fór að umferðin stöðvaðist. Einhver sagði að ekki væri um annað að ræða en að ganga. Það væri ekkert mál því vegalengdin væri ekki nema um 800 metrar. 

Annað kom þó á daginn. Vegalengdin að Wanda Metropolitano leikvanginum reyndist talsvert lengri en talið var. Fólkið var misjafnlega búið til gangs enda ekki reiknað með gönguferð. Einhverjar af konunum lentu í vandræðum því háu hælarnir vildu festast í malbikinu sem hafði bráðnað í brennheitri sólinni sem hafði skinið allan daginn. 


Allt fór þó vel. Kenny og föruneyti komust á völlinn fyrir leikinn. Líklega fannst stuðningsmönnum Liverpool, sem urðu á leið Kenny, ekki ónýtt að sjá Kónginn meðal þegna sinna á leið sinni á leikinn. Kóngurinn og aðrir stuðningsmenn Liverpool gátu svo fagnað vel og innilega þegar flautað var til leiksloka leiks Liverpool og Tottenaham Hotspur. Sjötti Evrópubikartitill Liverpool varð veruleika!