Styttist í að Alisson fari að æfa á fullu

Alisson Becker er farinn að æfa og það styttist í að hann geti farið að æfa af fullum krafti. Það verður þó farið varlega með að setja mikinn kraft í æfingarnar þar til þjálfaraliðið gefur grænt ljós. Í nokkurn tíma hefur þó verið miðað við byrjun október.


John Achterberg aðalmarkmannaþjálfari Liverpool, sem er til vinstri á myndinni, segir að reynt verði að stilla allt vel af þannig að ekki komi bakslag í bata Brasilíumannsins. Sem sagt ekki verður byrjað að æfa af fullum krafti fyrr en ökklinn verður orðinn alveg góður. Eins og allir muna fór Alisson meiddur af velli í fyrstu umferð deildarinnar þegar Liverpool vann Norwich City 4:1 í ágúst. 


Hvenær svo sem Alisson Becker kemur aftur til leiks þá má segja að markmannsstaðan sé í góðum höndum. Adrián San Miguel hefur staðið vaktina í markinu í fjarveru Alisson og leikið stórvel. Betur en festir áttu von á.