Sá yngsti í tveimur keppnum!

Harvey Elliott á nokkur met á ferilskrá sinni. Hann er til dæmis yngsti leikmaður til að spila í Úrvalsdeildinni á Englandi og líka Deilarbikarnum.

Þann 25. september 2018 komst Harvey Elliott fyrst í sögubækurnar. Hann setti þá met sem yngsti leikmaður til að spila fyrir hönd Fulham. Harvey var aðeins 15 ára og 174 daga gamall þegar hann kom inn á sem varamaður í 1:3 útisigri Fulham á Millwall. Ekki var nóg með að Harvey væri yngsti leikmaður í sögu Fulham. Hann var þar með yngsti leikmaður til að spila í Deildarbikarnum en leikurinn var í þeirri keppni. Harvey var þá enn í skóla og varð að mæta daginn eftir að hafa komist í sögubækurnar! 

Seinna metið setti hann með Fulham síðasta vor. Hann var bara 16 ára og 30 daga gamall þegar hann kom inn á sem varamaður þegar Fulham tapaði 1:0 fyrir Wolverhampton Wanderes þann 4. maí.  


Harvey Elliott lék einungis þrjá leiki með Fulham áður en hann gekk til liðs við Liverpool í sumar. Í tveimur þeirra setti hann sem sagt aldursmet!

Víst er að Harvey Elliott er geysilega efnilegur leikmaður. Það kemur svo í ljós á næstu árum hversu langt hann nær!