Trent Alexander-Arnold baðst afsökunar

Trent Alexander-Arnold gagnrýndur fyrir að gera slæm mistök í fyrra marki Manchester United í gær. Pilturinn tók það nærri sér. Hann var óánægður með framgöngu sína á Old Trafford og baðst afsökunar eftir leikinn á Instagram síðu sinni.

,,Mig langar að biðja alla stuðningsmenn okkar afsökunar! Við fengum stórkostlegan stuðning í dag og framganga okkar var ekki nógu góð til að ná þeim úrslitum sem við stefndum að. Við munum læra af þessu og koma sterkari til baka. YNWA."

Vel gert hjá Trent sem átti ekki sinn besta leik og hann fór ekki í felur eftir leikinn. Trent er ungur og efnilegur og á eftir að læra af því sem gerðist í leiknum í gær.