Óveður í aðsigi!

Það er ekki nóg með að mikill baráttuleikur sé í uppsiglingu á Anfield á morgun og segja mætti að logn sé á undan stormi. Við bætist að veðurspáin er ekki góð. Hiti á að vera rétt yfir frostmarki og það gæti snjóað. Eins verður vindgustur sem gerir veðrið enn kaldara!


Í dag var jafnvel látið að því liggja í fréttum að leiknum gæti verið frestað og það sama gildir um grannaslaginn í Manchester sem fer fram síðar um daginn. völlurinn er þó upphitaður og snjó festir varla á honum þó eitthvað snjói. En þó það verði kuldi og snjógangur þá verður án nokkurs vafa mjög heitt í kolunum inni á vellinum. Leikmenn og stuðningsmenn Liverpool og Everton munu sjá um það!