Adam Lallana meiddur næstu vikurnar!

Adam Lallana verður frá vegna meiðsla næstu vikurnar. Hann gæti misst úr allt að tvo mánuði eða jafnvel meira.

Adam meiddist á læri á móti Atletico Madrid í úrslitaleiknum á Audi mótinu og eru meiðslin býsna slæm. Hann mun að minnsta kosti verða frá æfingum og keppni á komandi vikum. Jürgen Klopp sagði að hægt væri afskrifa Adam í ágúst og september. 

Meiðsli koma sjaldan á góðum tíma en það er sérlega slæmt að missa menn í meiðsli þegar keppnistímabilið er að hefjast.