Dejan farinn í læknismeðferð

Dejan Lovren fór ekki með Liverpool til Spánar vegna þess að hann átti við meiðsli að stríða. Króatinn hefur ekki enn náð að hrinsta meiðslin af sér og er nú farinn í læknismeðferð til Þýskalands.


Dejan Lovren hefur misst af síðustu tveimur leikjum Liverpool vegna þess að hann hefur verið meiddur á hné. Ekki hefur verið talið að meiðslin væru mjög alvarleg en bati hefur verið hægari en ætlað var. Til dæmis er óvíst að hann geti spilað á móti Leicester City eftir viku. Dejan hefur spilað vel á leiktíðinni en meiðsli hafa verið að stríða honum og vonandi nær hann nú bata.