Sheyi Ojo kallaður til baka úr láni

Hinn 18 ára gamli sóknarmaður Sheyi Ojo hefur verið fenginn aftur til Liverpool en hann var á láni hjá Úlfunum í Wolverhampton Wanderers í næst efstu deild Englands.

Ojo var lánaður til Úlfanna í ágúst, sama dag og hann skrifaði undir langtímasamning við Liverpool. Hann spilaði alls 19 leiki á lánstímabilinu og skoraði þrjú mörk.

Hann hefur spilað landsleiki fyrir U-19 ára landslið Englands en hefur ekki komið við sögu hjá aðalliði félagsins áður. Hann skoraði eitt mark á undirbúningstímabilinu í sumar gegn Swindon Town og var hluti af leikmannahópnum sem ferðaðist um Asíu.

Ekki er ólíklegt að hann komi eitthvað við sögu gegn Exeter City en okkar menn mæta suðurstrandarliðinu í ensku bikarkeppninni á morgun, föstudag.