Daniel að braggast

Daniel Sturridge var ekki lengi með. Hann skoraði tvö mörk í Deildarbikarsigrinum á Southampton en tognaði í næsta leik gegn Newcastle þegar hann kom inn á sem varamaður.

Daniel er nú að braggast en óvíst er hvenær honum verður treyst aftur út á tún. Það segir sína sögu um mikilvægi hans að hann er búinn að skora fjögur mörk. Það er á hinn bóginn lítið hægt að treysta á hann því meiðsli hafa fylgt honum eins og skugginn síðasta rúma árið eða svo.