| Sf. Gutt

Tveir lykilmenn meiddir

Tveir leikmenn Liverpool, sem hafa leikið lykilhlutverk síðustu vikur, eru meiddir og taka ekki þátt í stórleiknum á móti Tottenham. Um er að ræða Lucas Leiva og Raheem Sterling. Báðir fóru af velli á móti Everton um helgina.

Lucas mun vera meiddur á nára og gæti hann verið frá verkum í meira en mánuð. Brasilíumaðurinn hefur leikið gríðarlega vel aftarlega á miðjunni en betra gengi liðsins hefur haft mikið með hversu vel hann hefur verið að spila.

Raheem fékk spark á annan fótinn á móti Everton og ekki er ljóst hversu alvarleg meiðslin eru. Það er þó talið öruggt að hann spili ekki í kvöld. Vonandi eru meiðslin ekki alvarleg.

Leikurinn á móti Tottenham í kvöld er gríðarlega mikilvægur. Það munar fjórum stigum á liðunum og Liverpool þarf nauðsynlega á sigri að halda til að herja á fjögur efstu sætin í deildinni. Þeir sem leysa Lucas og Raheem af verða nú að standa í fæturnar í kvöld! 

TIL BAKA
Nýlegar fréttir
Fleiri fréttir
Fréttageymslan