Fánadagur á Akureyri

Liverpoolklúbburinn heldur fánadag á Sportvitanum á Akureyri á laugardag.

Liverpool mætir Newcastle United á heimavelli síðarnefnda liðsins, er þetta fyrsti leikur dagsins og hefst hann kl. 12:45.

Við hvetjum alla norðanmenn, konur og börn til að mæta á svæðið rétt klædd með húfur, fána, trefla og allt sem við finnum merkt Liverpool. Þeir sem ekki eru skráðir í klúbbinn geta gert það á svæðinu og farið yfir málin með stjórninni en nokkrir stjórnarmenn ætla að mæta á svæðið.

Verðlaun verða veitt fyrir best klædda stuðningsmanninn og einnig verður happdrætti þar sem fjöldi veglegra vinninga verður í boði.

Það verður mikið sungið og stemmningin ósvikin, vonandi verða úrslitin í leiknum eftir því en hvernig sem fer er ljóst að dagurinn verður skemmtilegur.