Ekki lagast það!

Ekki lagast það! Þetta er ekki orðið einleikið með leikmenn Liverpool þegar þeir fara í landsleiki. Nú er einn strax meiddur og landsleikirnir ekki einu sinni byrjaðir!

Tilkynnt var í dag að Dejan Lovren væri farinn úr króatíska landsliðshópnum vegna kviðmeiðsla. Vonandi eru meiðslin ekki alvarleg en eitthvað er að fyrst Dejan er afskrifaður strax úr báðum landsleikjunum sem framundan eru. 

Ekki þarf að rifja upp hrakfarir leikmanna Liverpool í síðasta landsliðshléi en þá meiddust þeir Daniel Sturridge, Joe Allen og Emre Can og hafa ekki enn komist til leiks. 

Nú er að vona að þetta verði einu meiðslafréttirnar sem berast af leikmönnum Liverpool í þessari landsleikjahrotu.