Frægur fyrir leik

Næstur í röð frægra stuðningsmanna Liverpool sem við fáum til að spá í spilin með okkur er enginn annar en landsliðsþjálfarinn Heimir Hallgrímsson.

Hvenær byrjaðir þú að halda með Liverpool?
Ég hef verið c.a. 10 ára. Þá var Liverpool á toppnum og Kennedy í liðinu og Kennedy í USA.

Hver er þinn uppáhalds Liverpool leikmaður allra tíma?
Ég verð að segja Sammy Lee. Ótrúleg vinnusemi og vilji þrátt fyrir að ná rétt svo að standa upp úr grasinu! Hélt upp á hann löngu eftir að hann hætti að spila. Svo voru margir aðrir flottir eins og Dalglish, Souness og Barnes.

Hver er í mestu uppáhaldi af núverandi leikmönnum liðsins?
Ég held nú ekki upp á neinn sérstakan í dag, eftir að Suarez var seldur. Sterling hefur þó verið líflegur og eins held ég að kaupin á Lovren eigi eftir að reynast góð.

Ef þú mættir kaupa einn leikmann að eigin vali til Liverpool, hver yrði þá fyrir valinu?
Suarez. Besti framherji í heimi. Ég veit samt ekki hvort hann sé til sölu. Svo myndi ég kaupa markmann fyrir afganginn.

Hvernig fer leikurinn gegn WBA á laugardaginn?
Nú er komið að góða leiknum, eftir frekar magurt gengi undanfarið. Leikurinn fer 3-0 fyrir Liverpool og það verða bara nýliðar sem skora í leiknum. Lallana, Markovic og Balotelli. 

Í hvaða sæti endar Liverpool í vor?
Því miður held ég að liðið nái ekki Meistaradeildarsæti. No.5.