Nýtt félagsmet!

Þó svo leikur Liverpool gegn West Ham United á Upton Park á dögunum hafi ekki verið upp á marga fiska þá féll félagsmet í leiknum. Liverpool tapaði leiknum 3:1 en markið sem Raheem Sterling skoraði þýddi nýtt félagsmet. Metið fólst í því að Liverpool hafði þar með skorað í 17 útileikjum í röð í deildinni.

Svo mætti bæta tveimur bikarleikjum við þannig að leikirnir eru 19 í allt. En 17 deildarleikir eru í það minnsta nýtt félagsmet.

Síðast skoraði Liverpool ekki mark í útileik 2. nóvember í fyrra þegar liðið tapaði 2:0 á Emirates leikvanginum fyrir Arsenal. 

Þetta nýja met er glæsilegt og vonandi halda leikmenn Liverpool uppteknum hátt í komandi útileikjum.