Brendan hefur mikið álit á Jordan Ibe
Liverpool vann öruggan stórsigur á Shamrock Rovers í Dublin í vikunni. Jordan Ibe vakti mikla athygli í leiknum, lagði upp tvö mörk og þótti bera af öðrum á vellinum. Hann hefði átt að skora sjálfur en misnotaði góð færi. Brendan Rodgers telur Jordan mikið efni.
,,Hann er mjög efnilegur. Hann hefur mikinn hlaupakraft, býr yfir hraða og hefur gott vald á boltanum. Hann þarf bara að æfa sig meira í að klára færin. Mestu skiptir þó að hann kemur sér í færi. Hann er yfirvegaður, hefur góða boltameðferð, er fljótur og segja má að miðað við strák á hans aldri þá hafi hann allt til að bera til að geta orðið framúrskarandi leikmaður."
Jordan Ibe hefur leikið þrjá leiki með aðalliði Liverpool en var lánaður til Birmingham City þar sem hann lék seinni hluta leiktíðarinnar. Hann þótti standa sig vel og átti þátt í síðasta marki Birmingham á leiktíðinni sem jafnaði 2:2 á móti Bolton og hélt liðinu uppi í næst efstu deild. Mörgum þykir Jordan minna um margt á Raheem Sterling og telja að hann geti orðið álíka góður. Það eins og annað kemur í ljós en Jordan er mjög efnilegur.
-
| Sf. Gutt
Aftur til æfinga -
| Sf. Gutt
Minningarorð Arne Slot -
| Sf. Gutt
Í minningu Diogo Jota -
| Sf. Gutt
Bræðurnir Diogo og André bornir til grafar -
| Sf. Gutt
Diogo Jota látinn -
| Sf. Gutt
Af EM -
| Sf. Gutt
Bara Real Madrid! -
| Sf. Gutt
Þrír Evrópumeistarar! -
| Sf. Gutt
Æfingaleikir sumarsins -
| Sf. Gutt
Annar nýr markmaður