Við máttum ekki bregðast!

Steven Gerrard segir að það hafi ekki verið í boði að bregðast stuðningsmönnum Liverpool í grannaslagnum á móti Everton. Liverpool gerði jafntefli 2:2 á Anfield við Aston Villa á dögunum. Nú var Everton í heimsókn og það varð að bæta úr með öllum ráðum. Það var sannarlega gert og Liverpool vann 4:0 sigur sem lengi verður í minnum hafður. 

,,Við vildum aftur spila af miskunarleysi á heimavelli og mér fannst við vera frábærir. Ef við hugsum til baka til síðasta heimaleiks okkar á móti Aston Villa þá brugðumst við stuðningsmönnum okkar og spiluðum slaklega í fyrsta skipti á heimavelli á leiktíðinni."

Steven Gerrard og félagar hans brugðust sannarlega ekki og Liverpool sendi granna sína heim með 4:0 tap á bakinu! Steven fór fyrir liðinu sínu á móti í leiknum og skroraði markið sem kom Liverpool á sporið. Þetta var 31. grannaslagur hans og 9. markið sem hann skorar á móti Everton. Stuðningsmenn Liverpool munu seint gleyma þessari kvöldstund í Musterinu!