Ekki nógu gott!

Jordan Henderson var ekki ánægður með sig og sína eftir leik Liverpool og Aston Villa á laugardaginn. Liverpool lenti 0:2 undir en náði að jafna leikinn. 

,,Við erum vonsviknir með úrslitin því við stefnum á að vinna hvern einasta leik og hér á bæ er ætlast til þess að við vinnum alla leiki. Eins og gefur að skilja var niðurstaðan vonbrigði. En á móti kom að við sýndum góðan styrk í að jafna leikinn eftir að hafa lent 2:0 undir. Það var það jákvæða. Vonandi verður þetta stig mjög mikilvægt þegar upp verður staðið."

,,Við getum ekki leyft okkur að hengja haus. Mér fannst við sýna baráttuanda og styrk þegar við komum okkur aftur inn í leikinn. Við þurfum að vinna í því sem lagfæra þarf og halda áfram að reyna að vinna leiki."