Adam Morgan á förum?

Nokkrir fjölmiðlar hafa upp á síðkastið birt fréttir þess efnis að sóknarmaðurinn ungi Adam Morgan sé á förum frá Liverpool. Síðustu árin hefur Adam raðað inn mörkum fyrir unglingalið Liverpool og nú síðast varaliðið.

Hermt er að hann muni fá frjálsa sölu. Ekkert hefur verið staðfest opinberlega um brottför Adam sem lék þrjá leiki með aðalliði Liverpool á síðustu leiktíð. Fari hann verður að segjast að það komi nokkuð á óvart.