Metfjöldi sá Liverpool í Ástralíu

Metfjöldi sá Liverpool leika í Ástralíu. Aldrei áður hefur annar eins fjöldi komið á æfingaleik hjá Liverpool. Alls tróðu sér 95.446 inn á Melbourne Cricket Ground til að horfa á Liverpool leika við Melbourne Victory. 

Þessi áhorfendafjöldi er algjört met því aldrei hafa fleiri áhorfendur horft á Liverpool leika æfingaleik í allri sögu félagsins. Eins hafa ekki fleiri áhorfendur séð félagslið leika saman í Ástralíu.

Fyrir leikinn í Melbourne var algjörlega mögnuð stund þegar allur þessi áhorfendaskari söng You´ll Never Walk Alone í einum kór.
 
Liverpool hefur farið víða í æfingaferðum sínum á síðustu árum en þetta var fyrsta heimsókn liðsins til Ástralíu. Miðað við móttökurnar sem liðið fékk má búast við því að Rauði herinn fari fljótlega aftur til Ástralíu.