Vörnin hefst í kvöld!

Liverpool vann Deildarbikarinn undir stjórn Kenny Dalglish á eftirminnilegan hátt á síðasta keppnistímabili. Hver man ekki eftir því þegar Liverpool herjaði fram sigur á Cardiff í vítaspyrnukeppni á Wembley og vann Deildarbikarinn í áttunda sinn? Þá vannst fyrsti titill Liverpool í sex ár! 

Vörnin á Deildarbikarinum hefst í kvöld og fyrsta hindrunin gæti verið árennilegri. Liverpool tekur hús á West Bromwich Albion en þar stjórnar Steve Clarke sem var auðvitað nánasti aðstoðarmaður Kenny Dalglish og fagnaði með honum á Wembley!

Liverpool hóf leiktíðina á 3:0 tapi á sama stað og leikið verður á í kvöld. Það er því er ljóst að verkefni kvöldsins verður ekkert auðvelt. En meistarar hverrar keppni verða að leggja allt í sölurnar til að verja þann titil sem vannst. Margir af Deildarbikarmeisturunum frá í febrúar verða ekki með Liverpool í kvöld en þeir sem verja heiður Liverpool munu vonandi standa undir nafni!