lau. 05. maí 2012 08:54 | SSteinn

Fánadagur á Akureyri í dag

Í tilefni af bikarúrslitaleik Liverpool FC og Chelsea, þá ætla norðanmenn að gera sér glaðan dag á heimavelli klúbbsins á Akureyri, Sportvitanum, og halda fánadag. Við hvetjum alla norðanmenn sem möguleika hafa á, að mæta á svæðið og skemmta sér í góðum hópi Poolara.

Þar mun formlega verða skrifað undir samning við Sportvitann fyrir næsta tímabil, einnig verða skrautlegustu Poolararnir valdir (bæði yngri og eldri) og verða þeir leystir út með Liverpool treyjum.

Markaleikurinn góði verður á sínum stað og jafnframt verða dregnir út fjölmargir happdrættisvinningar.

Ekki missa af stemmningunni fyrir norðan, það verður einstakt í dag á Sportvitanum.