Menn að braggast

Þeir Steven Gerrard og Glen Johnson gátu ekki leikið með Liverpool gegn Arsenal um síðustu helgi. Þeir eru sem betur fer að braggast. Kenny Dalglish hafði þetta að segja um heilsufar Steven og Glen á blaðamannafundi í dag.

,,Steven og Glen æfðu í dag og við sjáum til hvernig þeim fer fram. Það verður ekki bara gott að fá Stevie aftur. Það er jafn gott að fá Steven tl baka og alla aðra. Það er líka gott að fá Glen sem er búinn að standa sig með sóma. Við sjáum til hvernig þeim gengur að æfa og metum stöðu þeirra."

Liverpool á mjög erfiðan leik fyrir höndum í Sunderland á laugardaginn. Ekki vantaði að Liverpool lék mjög vel á móti Arsenal í síðasta leik en liðið mátti samt þola mjög ósanngjarnt tap. Vonandi gengur betur núna um helgina!