Suarez mun höndla pressuna

Allra augu munu í dag beinast að Luis Suarez, þegar hann mætir Patrice Evra og Manchester United á nýjan leik. Kenny Dalglish segist viss um að Suarez muni höndla pressuna.

,,Þetta er ekki í fyrsta skipti sem Luis verður með myndavélarnar í andlitinu. Hann var í aðalhlutverki í Copa America í sumar þar sem myndavélar fylgdu honum hvert fótmál. Hann er leikmaður í heimsklassa og hann veit hvað það þýðir. Það er fylgst með öllu sem slíkir leikmenn gera. Luis getur örugglega höndlað þá pressu."

,,Hann er ekki mikið fyrir sviðsljósið. Hann vill bara mæta í vinnuna og standa sig. En leikmaður í sama klassa og Luis getur ekki ætlast til þess að fá frið. Það veit hann vel. En hann sækist ekki eftir athyglinni, svo mikið er víst."

,,Luis er frábær leikmaður og vill einbeita sér að því að gera það sem hann gerir best. Að spila fótbolta. Nú er fortíðin að baki og tími til að líta fram á við."