| Sf. Gutt

Mark spáir í spilin

Eftir stórtap um síðustu helgi og annað með minnsta mun næst á undan náðu hermenn Kóngsins vopnum sínum og komust áfram í Deildarbikarnum. Það er gríðarlega mikilvægt að vinna þennan leik til að komast aftur í gang í deildinni. Liverpool á líka harma að hefna eftir hroðalega framgöngu þegar Úlfarnir komu síðast í heimsókn.

Það má því reikna með stórsókn Rauðliða frá upphafi til enda og vonandi verður góður árangur af henni. Ekki er gott að segja hvort Steven Gerrard verður þátttakandi í stórsókninni, ef af henni verður, en það er á hreinu að hann getur ekki beðið eftir að spila eftir að hann komst á bragðið núna í vikunni. Fyrirliðinn er tilbúinn og vonandi kemur ekkert bakslag í bata hans. Það gæti skipt miklu að Steven komist í gott lag því hann getur unnið leiki upp á sitt einsdæmi og það eru ekki margir leikmenn í heiminum sem geta það! 

                                                             

                                                                          
                                                         Liverpool v Wolverhampton Wanderes

Eftir magnaða byrjun á leiktíðinni hefur dregið snögglega af Wolves. Þeir unnu á Anfield í fyrra og Liverpool á því harma að hefna. Þeir Craig Bellamy og Luis Suarez voru mjög snarpir gegn Brighton í vikunni. Ég veit þó ekki hvort Craig getur spilað þegar svona stutt er á milli leikja.

Spá: 2:0.

                                                                                   Til minnis!
 
- Liverpool hefur tapað tveimur síðustu deildarleikjum sínum.

- Liverpool skoraði ekki í þessum tveimur leikjum.

- Andy Carroll hefur aðeins skorað í einum af síðustu tíu deildarleikjum.

- Liverpool tapaði fyrir Úlfunum á heimavelli á síðustu leiktíð.
 
- Liverpool vann þó seinni leikinn og var það fyrsti sigurinn eftir endurkomu Kenny Dalglish.

- Craig Bellamy skoraði fyrsta mark sitt eftir endurkomuna gegn Brighton.
 
- Síðast skoraði hann fyrir Liverpool á útmánuðum 2007. 

Hér má sjá leikmenn Liverpool undirbúa sig fyrir leikinn í dag.
 
 
                                                                                       Síðast!



Síðasti leikur ásins varð einn sá ömurlegasti. Leikmenn Liverpool mættu úthvíldir til leiks enda hafði næstu tveimur leikjum á undan verið frestað. Það var samt eins og leikmennirnir væru uppgefnir og Úlfarnir, sem voru á botninum fyrir leikinn, sóttu 0:1 sigur af mikilli grimmd. Kóngurinn var ákallaður og Roy Hodgson fékk að heyra það frá áhorfendum í Musterinu. Hann átti tvo leiki eftir á stjórnartíð sinni!

 

 

 

TIL BAKA
Nýlegar fréttir
Fleiri fréttir
Fréttageymslan