Daniel enn meiddur

Það er alltaf sama sagan með Daniel Agger þegar meiðsli eru annars vegar. Hann er nú úr leik í bili eftir að hafa farið af velli eftir um hálftíma gegn Tottenham á sunnudaginn.

Nú er komið í ljós að hann er brákaður á síðu. Ekki brotnuðu rif en það er ljóst hann verður ekki með í næsta leik, gegn Brighton, og varla verður hann leikfær á laugardaginn á móti Wolves. Ekki er ólíklegt að Sebastian Coates, sem leysti Daniel af á sunnudaginn, spili á móti Brighton því Martin Skrtel er auðvitað í leikbanni í þeim leik.  

Þessi meiðsli koma á versta tíma fyrir Danann sem hefur leikið mjög vel það sem af er leiktíðar. Hann var einmitt rétt á dögunum að ræða um hversu vel hann kæmi til leiks eftir að hafa náð að æfa allt undirbúningstímabilið og vera laus við meiðsli.